Vergi sahəsində olan mübahisələr əsasən vergi orqanları ilə vergi ödəyiciləri arasında baş verir. Bu tipli mübahisələr yaranan zaman vergi orqanlarına birbaşa şikayətlər ünvanlaya bilər və məhkəmələrdə iddia qaldıra bilərsiniz. Vergi sahəsində mübahisələr adətən vergi ödəyiciləri tərəfindən vergilərin vaxtında ödənilməməsi və ya sahibkarlara əsassız vergi borclarının yazılması ilə əlaqəli ola bilər. İstənilən halda əgər vergi mübahisəsi ilə qarşılaşmısınızsa bu hüquqi problemin operativ və daha effektiv şəkildə, sizin mənafeləriniz nöqteyi nəzərindən həll edilməsi üçün peşəkar hüquqi xidmətlərdən yararlana bilərsiniz.
Vergi mübahisələri ilə bağlı şikayət
Əgər vergi ödəyicisi olaraq sizin hüquqlarınız pozulmuşdursa bu zaman bu problemi iki yolla həll edə bilərsiniz. İlk həll yolu məhkəmədən kənar həll yolu hesab edilir. Belə ki, əgər hüquqlarınız pozulmuş və bunun nəticəsində siz maddi itkilər yaşamısınızsa bu halla bağlı ilkin olaraq vergi orqanına müraciət edə bilərsiniz. Hüquqlarınızın pozulduğunu bildiyiniz gündən 3 ay müddətində inzibati qaydada vergi orqanına şikayət etmək hüququnuz var. Əgər üzrlü səbəblərdən bu müddəti ötürmüsünüzsə müddət vergi orqanı tərəfindən bərpa edilə bilər. Belə ki, hazırda bu kimi şikayətləri Dövlət Vergi Xidmətinə ünvanlaya bilərsiniz. Adətən sizin tərəfinizdən daxil olmuş şikayətlərə vergi orqanı tərəfindən 30 gün müddətinə baxılır və yazılı qaydada cavab verilir. Əgər sizin şikayətiniz sizə hesablanmış maliyyə sanksiyasının məbləği ilə bağlıdırsa, sizin şikayətə baxılan müddət ərzində maliyyə sanksiyasını ödəməmək hüququnuz vardır.
Məhkəməyə müraciət
Vergi orqanı tərəfindən sizin şikayətə baxılıb cavab verildikdən sonra, əgər bu cavab sizi qane etmirsə məhkəməyə də müraciət edə bilərsiniz. Qeyd edək ki, sizin vergi orqanına müraciət etməyiniz eyni anda məhkəməyə müraciət etmək hüququnuzu da məhdulaşdırmır. Yəni, əgər vergi orqanına müraciət etmisinizsə eyni vaxtda eyni məsələ ilə bağlı məhkəməyə də müraciət edə bilərsiniz. Vergi orqanları ilə vergi ödəyiciləri arasında yaranmış mübahisələrə inzibati məhkəmələrdə baxılır. Bunun üçün siz düzgün əsaslandırılmış iddia ərizəsi ilə məhkəməyə müraciət etməli və sizin haqlə mövqeyinizi sübut edən sübutları məhkəməyə təqdim etməlisiniz.
Vergi mübahisələri ilə bağlı sizə təklif etdiyimiz xidmətlər
Vergi mübahisələri zamanı sahibkarlar üçün ən önəmli məsələ özlərinin haqlı mövqelərini vergi orqanı qarşısında və məhkəmə qarşısında sübut edilməsidir. Bunun üçün müvafiq sübutların toplanılması, ödənişlərlə bağlı sənədlərin düzgün hazırlanması və təqdim edilməsi önəmlidir.
Komandamızın vergi sahəsində ixtisaslaşmış hüquqşünasları sizə bu sahədə aşağıdakı xidmətləri təkli edir:
- lkin konsultasiya;
- vergi orqanları qarşısında təmsilçilik;
- məhkəmədə təmsilçilik;
- sənədlərin toplanıb hazırlanması;
- şikayətlərin tərtib olunması.
Əgər siz də sahibkarlıq fəaliyyətiniz zamanı vergi mübahisələri ilə qarşılaşırsınızsa elə indi peşəkar vəkillərimizlə konsultasiyaya yazılaraq xidmətlərimizdən yararlana bilərsniz!
Əgər sizin də bu proses üçün peşəkar vəkillərə ehtiyacınız varsa elə indi bizimlə əlaqə saxlaya bilərsiniz!
Aşağıdaki keçidlər vasitəsilə digər vergi xidmətlərimizlə ətraflı tanış ola bilərsiniz:
