Mənzil mübahisələri mülki hüquqi mübahisələrin bir növü olmaqla mənzil hüquqları hər kəsin pozulmaz konstitusion hüququ hesab olunur. Azərbaycan Respublikasının Konstitusiyasına əsasən hər kəsin mənzil toxunulmazlığı hüququ vardır. Qanunla müəyyən edilmiş hallar və ya məhkəmə qərarı istisna olmaqla, mənzildə yaşayanların iradəsi ziddinə heç kəs mənzilə daxil ola bilməz.
Mənzil mübahisələri
Mənzillər bağlı münasibətlər həmçinin Azərbaycan Respublikası Mənzil Məcəlləsi ilə də tənzimlənir. Mənzillə bağlı bəzən inzibati qurumlar və vətəndaş, və ya fiziki şəxslər arasında mübahisələr yaranır ki, bu mübahisələrin həlli bəzən məhkəməyə qədər gedib çıxır. Mənzil sahəsində praktikada bir sıra mübahisələrlə qarşılaşmaq mümkündür. Bəzən şəxslər mülkiyyətçisi olduqları mənzilin çıxarışı almaqla bağlı müvafiq dövlət qurumları ilə mübahisələr yaşaya bilirlər, bu tip mübahisələrə əsasən inzbati məhkəmələrdə baxılır.
MTK-larla bağlı mənzil mübahisələri
Bununla yanaşı mənzil sahəsində ən önəmli mübahisələr vətəndaşlarla MTK-lar arasında baş verir. Belə ki, xüsusən çoxmərtəbəli binalar tikən MTK-lar bəzən eyni mənzili bir neçə nəfərə satır və ya mənzili satdığı şəxsə sonda mənzilin çıxarışını təhvil vermir. Digər bir problem isə şəxslərdən əvvəlcədən pul alınmasına baxmayaraq mənzilin vaxtında təhvil verilməməsi ilə bağlı olur. Bu kimi problemli situasiyalarla qarşılaşmamaq üçün bir sıraq məqamlara diqqət etmək vacibdir. İlk öncə müqavilə bağlanan zaman, müqavilənin şərtlərinə diqqət etməli və lazım gəldikdə anlamadığınız hissələrlə bağlı peşəkar hüquqşünaslardan kömək almalısınız. Bundan əlavə mənzil əldə edərkən bununla bağlı hər hansısa ödənişlər edirsinizsə bu ödənişləri rəsmi qaydada etməli və ödənişləri təsdiq edən sənədləri özünüzdə saxlamalısınız. Əks halda bu sənədlərin olmaması gələcəkdə mübahisə yarandığı təqdirdə sizin əleyhinizə qərar qəbul edilməsi ilə nəticələnə bilər.
Fiziki şəxslər arasında alqı-satqı prosesindən yaranan mübahisələr
Mənzil sahəsində digər növ mübahisələr fiziki şəxslər arasında mənzil alqı-satqısı prosesindən irəli gələ bilər. Belə ki, bəzən mənzil alqı-satqısı zamanı tərəflər arasında müvafiq məbləğin ödənilməsi və mənzilin qarşı tərəfin mülkiyyətinə keçməsi ilə bağlı razılıq əldə edilsə də, tərəflərdən biri bu öhdəlikləri poza bilir. Mənzil alqı-satqısı zamanı alıcının müvafiq məbləği müəyyən edilmiş tarixə qədər ödəməməsi, və ya satıcının müəyyən edilmiş tarixə qədər mənzili təhvil verməməsi mübahisələrin yaranmasına səbəb olur. Bu kimi hallarla qarşılaşan zaman özünüzü əvvəlcədən baş verə biləcək risklərdən sığortalamaq üçün bağladığınız müqavilənin şərtlərinə diqqətlə yanaşmalı, müqaviləni notariat qaydada bağlamalı və müqavilə üzrə sizin üzərinizə düşən öhdəlikləri icra etməlisiniz.
Məhkəmədən əvvəl edilməli hüquqi hərəkətlər
Hər hansısa mənzil mübahisəsi yaranan zaman ilk öncə qarşı tərəfə öz öhdəliklərini icra etməsi ilə bağlı xəbərdarlıq məktubunun göndərilməsi və müəyyən müddətin qoyulması ilkin addımdır. Siz bu xəbardarlıq məktubu ilə qarşı tərəfdən sizə borcunuzu ödəməsini, mənzili sizə təhvil verməsini və ya mənzilin çıxarışını sizə təqdim etməsini tələb edə bilərsiniz. Həmçinin xəbərdarlıq məktubunda qeyd edilən öhdəliklər icra olunmayacağı təqdirdə məhkəməyə müraciət edəcəyinizi qeyd edə bilərsiniz. Xəbərdarlıq məktubunda qeyd olunmuş müddət ərzində qarşı tərəf öz öhdəliklərini icra etməzsə artıq növbəti mərhələdə siz məhkəməyə müraciət edərək öz hüquqlarınızın müdafiə edə bilərsiniz.
Bu sahədə sizə təklif etdiyimiz xidmətlər
Əgər mənzil münasibətləri zamanı problemlə qarşılaşmısınızsa komandamızın peşəkar hüquqşünaslarına müraciət edə bilərsiniz. İlk öncə qeyd edək ki, mənzil münasibətləri yaranan zaman xüsusən əgər qarşı tərəflər müqavilə imzalayırsınızsa bu müqavilənin təhlil edilməsi, hüquqi risklərin müəyyən edilməsi önəmlidir. Bu səbəbdən də müqaviləni imzalamazdan əvvəl peşəkar hüquqşünaslarımızla məsləhətləşməyiniz məqsədə uyğundur.
Həmçinin, sizə mənzil mübahisələri ilə bağlı aşağıdakı xidmətləri təklif edirik:
- məhkəməyə qədər danışıqlar mərhələsində təmsilçilik;
- işin hallarının təhlil edilməsi və sübutların toplanılması;
- məhkəmədə və müvafiq dövlət qurumlarında təmsilçilik.
Əgər siz də hüquqi problemlə qarşılaşmısınızsa elə indi komadamızın peşəkar vəkillərinə müraciət edərək hüquqi xidmətlərimizdən yararlana bilərsiniz.
